Prej disa javësh ajo është pjesë e spektaklit “Your Face Sounds Familiar”. Ashtu siç këngëtarja shprehet, për fat i ka rënë të imitojë vetëm femra seksi, të paktën deri këtë javë, ku do të vijë si Sabri Fejzullahu. Për Adelina Tahirin duket se fitorja është zgjidhja e vetme, pasi e sheh veten si të tillë. Biondja simpatike shprehet se nuk njeh rival në këtë garë.



Sa i përket jetës private, ajo thotë se mediat nuk po e lënë të gjejë dikë. “Sapo njoh dikë, ikën me vrap”, rrëfen këngëtarja duke qeshur.

U bëtë disa javë te “Your Face sounds Familiar”; përse i bien Adelinës të imitojë vetëm femra seksi?

Sepse ashtu më bie shorti. Ai kompjuteri më do shumë mua, dhe thotë: Adelina është seksi. Ja, këtë javë kam Sabriun. Alamet femre unë të bëhem burrë, është mëkat!



Si kanë qenë këto javë për ju, si e keni parë veten?

Absolutisht si fituese! Jam më e mira aty.

Mendoni realisht se do ta fitoni?

Patjetër!

A keni rival?

Adelina nuk ka rival. Të gjithë janë të mirë, po si Adelina nuk është askush atje.



Si është jeta private e Adelinës?

Një ditë më bëjnë të lidhur me Shpatin, një ditë me një tjetër. Në fakt jam ‘single’.

Një femër seksi si ju, pse është vetëm?

S’po më lini ju të gjej të dashur. Sapo njoh ndonjërin, ikën me vrap (qesh).