Eli Fara, këngëtarja korçare e njohur vijon bashkëpunimin e radhës me Grupin Mangavatu duke sjellë një hit të ri tepër melodioz të shoqëruar me një klip me motive mesdhetare e ballkanike. “Hallakatem” quhet kënga më muzikë të kompozitorit Adi Hila ku Eli Fara vjen brilante dhe me një imazh që të lë pa fjalë. Duket se koha ka ngecur në vend për Elin sa i përket bukurisë së saj që duket se nuk do të plaket kurrë. Zërit të saj i shton ngjyrat grupi Mangavatu ndërsa klipi zhvendoset në disa vende njëherësh. Imazhet vijnë sa në një fushë me misër të korrur dhe me carcafë të nderur në tela, sa pranë një bregdeti, më pas në errësirë ku ylli që ndriçon është ajo, dora vetë Eli Fara. Për më shumë ndiqni videoklipin e Eli Fara dhe grupit Mangavatu.