Gjykata e Lartë serbe për krime teknologjike dhe kibernetike ka nisur hetimet kundër reperit preshevar Gold G (Arian Agushi).

Prokurori serb Branko Stamenkoviq ka thënë se ministria për punë publike ka reaguar menjëherë pas publikimit të këngës “Pushka e Lirisë” në YouTube dhe rrjetet sociale. “Ne i kemi marrë të gjitha masat kundër autorit dhe videos në fjalë”, ka thënë ai.

Spotin e Gold AG-it, mediat serbe dhe kryetari i Mitrovicës Veriore, Goran Rakiq, e kanë cilësuar si “skandaloz”, duke thënë se është nxitje e urrejtjes ndaj serbëve dhe se aty bëhet thirrje për vrasjen e serbëve.

Vet Goldi ka sqaruar për Indeksonline se spoti e as kënga nuk janë kundër serbëve, por thjesht i dedikohet heroit Zahir Pajaziti.

Nuk është e qartë nëse Goldi rrëzikon të udhëtoj në Preshevë, pasi që edhe mund të arrestohet.