Kur më flet me gojë moj Gjyle,
Hije t’ka moj marshalla!
Aman, aman o marshalla!
I: Për sumbull që m’ke në xhybe
Unë o prej teje s’kam të ndamë,
Aman, aman! :I
Ref.:
Hajde, hajde, hajde o bu bu
Ku të kam moj mollë e ftu’?
Hajde, hajde, hajde bej aman
Ku të kam moj sy filxhan?
Xhamadanin lara lara
Enterinë moj vizali.
Aman, aman, moj vizali.
Kur më del mori përpara
Më dukesh porsi hyri
Aman, aman!
Ref.:
Hajde, hajde, hajde bukuri
A s’ma falë moj syn’ e zi?
Hajde, hajde, hajde bej aman
Mollë e kuqe ku të kam?
Sytë e zezë porsi ullini
Dhamb’t e bardhë porsi elmaz,
Aman, aman, aman porsi elmaz!
Porsi lule jasemini
Belin e hollë porsi unazë,
Aman, aman!
Ref.:
Hajde, hajde, hajde se të du’
Se ti je lule për mu’
Dranofille moj fisligen, aman
Se m’je rritë si mollë në gem.