I: Nëpër fusha, ndër kodrina
Rri pra bylbyl me t’ndigjue. :I
I: Ke zanë vend ti n’k’to freskina
E s’po din kurr me pushue. :I
Je nji zog ma i shtrejtë nër tjerë
Je plot kangë e melodi
Porsi lulja që m’çelë pranverë
I mbushë bahçet-o bukuri.
T’gjitha bahçet i kërkova
Për me gjetë folenë ku rri-e.
N’hije t’tanden ula e pushova
E m’u mbush zemra plot gëzim-e.
Shpejt pra vash ti kenke rritë
Ku s’qëllova unë pranë teje
S’do t’largohem kurr, as ditë
Por gjithmonë do t’jem pranë teje!