Rreth flamurit të përbashkuar
Me një dëshir’ e një qëllim,
Të gjith’ atij duk’ iu betuar
Të lidhim besën për shpëtim.
Prej lufte veç ai largohet
Që është lindur tradhëtor,
Kush është burrë nuk frikohet
Po vdes, po vdes si një dëshmor!
Në dorë armët do t’i mbajmë
Të mprojmë atdhenë më çdo kënt,
Të drejtat tona ne t’i ndajmë:
Këtu armiqtë s’kan vënt!
Se Zoti vetë e tha me gojë
Që kombe shuhen përmbi dhe,
Po Shqipëria do të rrojë;
Për të, për të luftojmë ne!
O flamur, flamur, shenj’ e shenjtë,
Te ty betohemi këtu,
Për Shqipërinë atdhen’ e shtrenjtë,
Për nder’ dhe lavdimn’ e tu.
Trim, burrë quhet dhe nderohet
Atdheut kush iu bë therror.
Për jetë ay do të kujtohet
Mbi dhet, mbi dhet si një shenjtor!