Ardhi koha, ardhi dita
Iku nata, doli drita
Ngrihi trima mos përtoni
Këtë kohë ta shpëtoni.
I: S’është mjaftë sa ju duruat
Edhe tërë ato që vuat? :I
Është turp për emrin tuaj
Të mundohi për të huaj!
Qitni pallat si ju dini
Edhe kordhën në e kini.
I: Me gjithë zemër e pa ndjesë
Bini qenit të pabesë! :I
Mjaftë me robënë të çjerrë
Mbroni vatrën, mbroni nderë!
Ç’mbani duart sit ë thata ?
Nxirrni shata dhe lopata !
I: Ferrat, gjembat ti qëroni
Nga ky rrezik t’i shpëtoni ! :I
Kryet ngrini, zgjedhën shtini,
Pastaj lumtur që të jini.
Ju në jini atdhetarë
Dhe të thjeshtë shqipëtarë.
I: Bëni ju sotë atdhenë
Siç qe nën Skënderbenë !