M’at anë detit, m’at anë bregut
Kish fillu’ hana me ra.
O ish nji djalë aty mas bregut
Me nji vajzë po rrin tuj kja.
Djali thotë: “Moj vasha ime
S’du’ t’shikoj me lot në sy.
Ma zhbirove zemrën time
Nuk duroj as gemb mbi ty.”
O vajza thotë: “O na kanë diktue,
Prandaj duhet, o, për me u nda
O nanës teme i kanë kallxue
Zoti e din a shifemi ma.”
Kur erdha në lagjen tande
T’pashë në çeshme moj tuj mushë ujë
O mbuloje moj fytyrën tande
Mos ju ban pasqyrë gjithkujt.