Shyhrete Behluli është njëra nga këngëtaret më në zë dhe më e famshme e skenës sonë, e cila me karrierën e saj mbi 40 vjeçare, ka ngritur lartë moralin dhe namin e mbarë kombit tonë. Meqenëse jetojmë në "kohën e internetit", në emër të saj janë hapur disa adresa nëpër rrjete, si në Facebook, po ashtu dhe në Instagram, të cilat janë keqpërdorur nga persona të pandërgjegjshëm. Mu për këtë, që fansat të kenë një adresë të saktë të saj, Shyhretja ka vendosur të hapë një fan-page në facebook, e cila tashmë numëron mbi 68 mijë pëlqime dhe një faqe në Instagram, me 3 mijë e 600 ndjekës deri tani. Ftojmë të gjithë fansat të pëlqejnë këto dy profile, të cilat kohë pas kohe do informojnë për më të rejat që do serviren nga bilbili ynë, Shyhrete Behluli.