>
BIOSHQIP

Unikkatil Thyen Rekord Klikueshmërie Me Këngen E Re

17-06-2013
Kënga e re e Unikkatilit me titull “U qova pi vorri” e publikuar të shtunën, ka tejkaluar limitin prej gjysmë milionë klikimesh brenda 24 orëve të para të lansimit në YouTube.
Statistikat tregojnë se kënga është dëgjuar saktësisht mbi 500 mijë herë në ditën e parë të publikimit, duke lënë kështu prapa rekordin e Getoar Selimit dhe BabaStars, me mbi 300 mijë klikime.

Kënga “Po t’shoh përmas” një muaj më parë theu rekordin për shikueshmërinë ditore, duke iu afruar 400 mijë klikimeve brenda 24 orëve. Dhe, pas gati një muaji, kënga mbledh 2 milionë e 180 mijë klikime.

Ndryshe nga kënga e Babastars, e cila u publikua me videoklip profesional, kënga e Unikkatilit është postuar në YouTube vetëm si melodi, e shoqëruar edhe me transkriptin e tekstit. Ajo pritet të vazhdojë të ketë klikime edhe në ditën e dytë dhe të tjerat në vazhdim.
(Telegrafi)

Unikkatil Thyen Rekord Klikueshmërie Me Këngen E Re