Albani Bilalli, këngëtarja nga Kosova e cila tash e disa vite po jeton në Prishtinë së fundmi është mjaft e angazhuar me sjelljen e projekteve muzikore të reja në karrierën e saj. "Merrëm" titullohet videoklipi i saj më i fundit, e ndërsa "Akull" është kënga që e solli vjet në "Kënga Magjike". Në një intervistë për teksteshqip.com, këngëtarja ka treguar për dissa nga projektet e reja të saj...

TeksteShqip: Albana, së fundmi keni publikuar videoklipin tuaj më të ri "Merrëm". Na flisni pak më shumë rreth këtij projekti?

Albana Bilalli: Po ashtu është, tani kam lansuar videoklipin tim ku muzikën dhe tekstin e kam shkruar vetë dhe orkestrimin e ka kopozuar Bekim Hallaqi.

TeksteShqip: Për muzikë keni bashkpunuar me Machiato Band? Si erdhët deri tek ky bashkpunim?

Albana Bilalli: Jo, kam bashkpunuar me Bekimin që është pjestar i grupit Machiato Band dhe nga shoqëria që kam me Bekimin e po ashtu rrjedhshmëria e ideve dhe toleranca në bashkpunim rrjedh bashkpunimi ynë.



TeksteShqip: Po depërtoni mjaft mirë në treg me projektet tua muzikore të realizuara së fundmi. Sa është e vështirë për ty të depërtosh në tregun e sotshëm të muzikës?

Albana Bilalli: Puna po ec mbarë. Mundi shpërblehet por jo gjithmonë. Sepse jemi të rrethuar me luftën ndaj artistave që muzikën e kanë si luftë dhe jo kënaqësi. Ndoshta depërtimi më i lehtë që ka qenë për muz është se nuk mërzitem fare për konkurencën por për publikun që të jetë i kënaqur.

TeksteShqip: Nuk është se njohim shumë për ty përveq muzikës? Me çfarë merret tjetër në jetën e përditshme Albana?

Albana Bilalli: Merrem me shkrime të ndryshme, me përfundimin e masterit, me sportin që nuk ka munguar asnjëherë, krijimin e ideve rreth muzikës e po ashtu jap lëndën muzikore. Ka gjëra të larmishme që e mbushin ditën time, nuk mungon shoqëria me personat e dashur që i falenderoj pa masë sepse vetëm besimi ndaj meje dhe ndihma e tyre më ka sjell këtu.



TeksteShqip: "Akull" ishte një projekt mjaft interesant i juaji, me të cilin u prezantuat vjet në Kënga Magjike. Sa u ndatë e kënaqur me promovimin e këngës edhe pse nuk shkuat dot në gjysmëfinale?

Albana Bilalli: Po kënga "Akull" ishte këngë e imja me tekst të shkruar nga Xheraldina Vula, orkestrimi nga Bekim Hallaqi dhe muzika nga unë, e përderi sa ishte një larmi e ndryshme brenda projektit ishte këngë impresionuse edhe për publikun. Ajo mjafton për mua edhe pse kënga nuk depërtoi për në gjysmëfinale.

TeksteShqip: Jeni edhe kantautore, do na vini shumë shpejt me ndonjë prodhim të ri nga ju...?

Albana Bilalli: Po tani jam duke punuar rreth baladës që shpresoj dhe mendoj që do të ketë sukses.

TeksteShqip: Si qëndron Albana me jet♪n private? Është "single"...

Albana Bilalli: (Qesh) kam shoqëri të gjërë dhe asnjëherë nuk mbetem single falë tyre.



TeksteShqip: Po albumin e keni menduar si një projekt të ardhshëm?

Albana Bilalli: Po mendoj dhe shpresoj që në fillim të vitit të ardhshëm do ta keni albumin në duar!

TeksteShqip: Planet më të afërta të Albanës rreth muzikës..?

Albana Bilalli: Muzika live gjithmonë dhe krijimi i këngëve për albumin tim të parë.

TeksteShqip: Albana të falenderojmë që gjete kohë për intervistë. Për fund dëshiron të shtosh diçka...

Albana Bilalli: Ju falenderoj juve së pari, lexuesit i falenderoj përzemërsisht që ndanë kohën me intervistën time.