A B C D E F G H I J K L M N O P Q R S T U V W X Y Z #

Ti

Ti,
Fuqia e mbinatyrshme e instiktit
Tunduese e orëve të mia serioze
Nuk e ke për turp të më hutosh
Siç bën me poetët dhe filozofët
Me koka e grada të mëdha...
Ti...
Çelësi kopil i mistereve tona
I dhembjes,vrasjes,tradhtisë...
Ti i bëre luftrat të egra
Dhe paqen ti e zgjidhe,
Në më të magjishmen orgazmë.
Ti...
Ti dhe vetëm ti zgjidh nyjet e përbotme
Ti krijesa që askush s'e ka parë
Dhe ku gjithkush i falet
Si në më shenjtën Perëndi.
Ti dhe vetëm ti...
Je kurthi i të virgjërve
Dënimi i mëkatarëve
Dhe shërimi i shpirtrave që jetojnë.
Ti e bën varjen në litar më të ëmbël
Përballë mallkimit tënd me impotencë.
Tii...
Ti na sheh si krijesa nën sundimin tënd
Si nën epsh e nën zë
Një e nga një
Të gjallat qeliza që vdesin
Një e nga një...

- poezi nga Albi Lushi


Zgjidhni me sa yje do votoni

Mesatarja:  5 / Votuan:  1





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019