Më mbaj mend (për 1 muaj)

Tema: Poezi Për Flamurin


Gjergji Me Flamur

Më 29 prill, 2019, Gjergj Prenkoçaj dhe grupi i tij arbëresh ngritën flamurin Shqipëtar
në qytetin e Ohrit, përkujtuan 555 vjetorin nga Beteja e Ohrit, të vitit 1464 midis
forcave në krye me Gjergj Kastriotin Skënderbeun shpalosën ushtrinë të Sulltan Mehmetit II.

Është tmerruar shkjau i zi,
Arbëreshët në Ohër kanë mbërri,
I bien vendit rreth e qark,
Ia hedhin sytë kalas’ së lashtë.

Dalëngadalë ngjiten përtej,
Pëllumbat krahëlehtë të lirisë,
Ohrit, qytetit të bekuar,
I sjellin amanetin e Shqipërisë!

Gjergj Prenkoçaj, sokol mali,
Me plis të bardh e tirqe t’zi,
Kur ngrite famurin në kështjellë,
Zemrat na mbushe plot krenari.

Është i gëzuar edhe liqeni,
Kur sheh shqipen që valëvit,
Rrofsh sa malet Arbëresh,
Më dhe zemër, më dhe drit’.

Amanetin t’u trashëgojmë,
Brezave që këtu do të vijnë.
Lëshoni rrënjët në pemë e gur,
Në tokën ilire dhe në flamur!

Do ta mbrojmë gjithmonë Ohrin,
Këtu kemi qenë të parë,
Tokë arbërore, fole shqiponjash,
Rroftë flamuri ynë Kombëtar.

- Poezi nga Ali Osmani Ohri


- U dërgua nga ALIOSMANI1 -


Zgjidhni me sa yje do votoni

Mesatarja:  5 / Votuan:  138

Komente 0