>
LETERSISHQIP

Sikur Te Kisha Krahe

Sikur të kisha krahë
E në qiell të endesha i lirë
Yjet t’i prekja me duar
Të ikja larg nga kjo bote e pështirë

Sikur të kisha krahë
E hënën ta vizitoja
Duke qëndruar mbi të i vetëm
Portetin tënd të vizatoja

Sikur të kisha krahë
E diellit t’i kërkoja dritë
Të bëja një pishtar me të
E të zbuloja cdo mit

Sikur të kisha krahë
Të fluturoja në qiell i vetëm
E nëse do vonohesha shumë
Nënës do i shkruaja një letër