Antonela Çekixhin mund ta keni fiksuar si vajzën e vendosur të X Factor. Ajo tregoi që kur dëshiron diçka do ta marrë, pavarësisht gjithçkaje dhe do të punojë fort, gjë që vazhdon ta dëshmojë edhe sot me postimet e videove cover në Instagram.

Diçka e tillë ka tërhequr vëmendjen e këngëtarit kolumbian me famë botërore, Maluma, që siç duket, e ka pëlqyer aq shumë interpretimin e saj të këngës së tij të fundit “Felice los 4”, sa e ka ndarë me 25 milionë ndjekësit e tij në Instagram. Videoja e Antonelës ka patur më shumë se 1.000 komente dhe rreth 615 mijë shikime. “Nuk e di çfarë kam bërë për ta merituar të gjithë këtë”-ka shkruar Çekixhi në Instagram, duke falenderuar Maluma-n dhe të gjithë ata që kanë pëlqyer dhe komentuar pozitivisht.

Në vitin 2012, Antonela Çekixhi merr pjesë në X Factor Albania 2.

Në Nëntor 2013, Antonela merr pjesë në Kënga Magjike 2013 me këngën "Maskë".