Ne log të burrnisë
Në Vrellë te Podgurit
Thekshëm jehoi ‘huta’
E Muharrem Vuthit

Plagët në shtat
Nuk e ligështun Petritin
Vazhdoi luftën
Pa e dridhur qerpikun

Sa me afër përjetësisë
Më i fortë bëhej trimi
Vuthjan me rrënjë
Djalë Dukagjini

Gjerdani kuq e zi
Ia ngrohte plagët
Aroma e lirisë
Bashkonte damarët

Malësori i Podgurit
Një letër e la në mur
Nuk iu dridh dora
Me laps as me pushkë

S’po më dhimbset jeta
sa një fije bari
në liri dua këngë,
jo lot të varri

Shkupin e Malësinë
Një damar i lidhë n’Kosovë
Me dorë n’zemër
Me pushkë n’dorë