Këngëtari i njohur në mbarë Evropën, Ardian Bujupi, së shpejti do të fillojë një turne në mbarë Kosovën, ku tashmë ka të aranzhuara shumë koncerte. Por, turneu nuk është arsyeja e vetme pse ai do të qëndrojë në Kosovë.
Ardiani, i cili u bë i njohur në spektaklin e talentëve të këndimit “Deutschland Sucht Den Superstar”, ka planifikuar një vizitë në Kosovë dhe këtë e ka konfirmuar menaxheri i tij Egzon Krasniqi për Zërin. Ndër arsyet ai përmend vizitën në familjen Jashari bashk me ekipin e tij që do të udhëtojë nga Gjermania.



“Ardiani përpos koncerteve, ka edhe arsye tjetër të madhe që e ka shtyrë të jetë prezent në Kosovë. Ai do ta vizitojë familjen Jashari, ku në këtë vizitë atë do ta përcjellin edhe dias media gjermane bashkë me kompaninë e tij”.

“Në muajin korrik dhe gusht, Ardiani do të performojë në Prishtinë, Prizren, Ferizaj, Pejë, Gjakovë, Mitrovicë dhe shumë qytete të tjera”, është shprehur menaxheri i Ardianit për Zëri.

Ardian Bujupi së fundmi lansoi bashk me Dj Dalool hitin “Penthouse”, kurse një këngë tjetër hit ai do ta lansojë edhe gjatë muajit korrik.