Arjana Fetahu Gaba Poezi
Arjana Fetahu Gaba

Pa Ty

Kam frikë ti dal natës përpara,
Pa ty,
Humbas nëpër terr,
Nëpër mugëtirë,
Kam ftohtë të më shohë dimri,
Vetëm pa ty,
Kthehem në akull,
E me buzët mërdhirë.

Ndiej dhimbje, të më vrasë,
Dielli në sy,
Shuhem e tëra,
Zhdukem humbas,
Druaj ti marrë ere trëndafilit,
Pa ty,
Në duar më vyshket,
Si zemra kur plas.

Unë,
Hesht përpara largësisë,
Që s'më afrton aspak,
Ti eja të zhdukesh,
Vetminë e frikeshme,
Çdo gjë e papritur,
Është në prag...

Nëse m'ke harruar,
E s'jam në ditet e tua,
Pa kthyer kokën,
Si stina kur shkon,
Gjithë dashuria,
Më kthehet urrejtje,
Unë vras çdo frikë,
Nëse gabon!.

New Jersey, 2013

- Poezi nga Arjana Fetahu Gaba



{{ risposta }}
Mesatarja:  {{ nStars }} / Votuan:  {{ nVotes }}

Komente 0