Këngëtari Astrit Gruda është duke punuar në një projekt të ri muzikor që do lansohet shumë shpejt.
Ai për Indeksonline ka thënë se kjo këngë është një remix me refrenin e këngës së Passenger-Let her go dhe se është një kombinim mjaft i mirë me stilin e tij të të kënduarit.

“Po, jam duke punuar një projekt të ri me tekst timin dhe me muzikë nga Nurteel. Kënga quhet ‘Pa mu’ dhe refreni është i këngës Let Her Go të Passenger. Kam menduar që t’ia bëj edhe klipin por nuk kam vendosur ende se me cilin produksion do e realizoj” ka thënë Astriti.

Ai me tej ka sqaruar këtë këngë ku ka thënë se në të bëhet fjalë për një dashuri në mes të një djali i cili luan me ndjenjat e një vajze të cilës pas ndarjes ja ndjenë shumë mungesën.

Astriti gjithashtu është duke punuar edhe në projekte të tjera që do të jenë bashkëpunime me këngëtarët e estradës. Ai madje për Indeksonline ka zbuluar se një nga këngët duet do të jetë së bashku me Nexhat Osmanin që do të lansohet pas muajve të verës.