Këngëtarja Aurela Gaçe ka festuar sot 40 vjetorin e lindjes së saj. Këngëtarja ka qenë tejet e entuziazmuar për ditëlindjen e saj pavarëisht moshës së cilës po i afrohet.

Ajo u kujdes që për këtë ditë të veçantë të postojë edhe diçka në facebook:

"Sot jam 40 vjeç edhe jeta më thërret. Me këtë shikim i them numrave: "Hajde më shiko një çikë targën". Sepse e vërteta është se në shpirt jam flakë e zjarr, e trurin e çoj me pushim nëse më duhet (I vij në ndihmë që të mos ngarkohet shumë se aq mban edhe bllokohet pastaj) dhe e vë në punë shumë mirë sa herë më duhet.
Të them që s'më vjen keq që ikin vitet? I bie të gënjej. Por e dua çdo minutë që jetoj ndaj e shijoj çdo sekondë që më fal Zoti mbi tokë" - ishte ky statusi i këngëtares.