Viti 2013 ishte i artë për këngëtaren Besa Kokëdhima. Pas triumfit në "Kënga Magjike" me këngën “Tatuazh Në Zemër”, ajo vendos edhe qershinë mbi tortë për këtë vit, duke u bërë një dhuratë shumë të bukur fansave te saj.

“Besa për festat...” titullohet përmbledhja me 8 këngë Krishtlindjesh, që janë publikuar me video në orët e fundit në kanalin e saj zyrtar në Youtube. Një traditë kjo e njohur për këngetarët e huaj, që me rastin e festave publikojnë përmbledhje me këngë tradicionale për Krishtlindjet dhe Vitin e Ri.

Për këtë album Besa ka punuar me disa nga emrat më të mirë të muzikës shqiptare dhe me producentin e saj Darko Dimitrov, ndërsa për realizimin e videove është kujdesur produksioni ProVideo. Xhirimet janë kryer në qënder të kryeqytetit, në sheshin Skenderbej, në një atmosferë të krijuar apostafat për festat. Kjo është lista e këngëve që Besa interpreton:

1. O Nate E Shenjte
2. Gezuar Krishtlindjet
3. Nate E Shenjte, Nate E Qete
4. Zilet Tring
5. Nje Kembane Po Jehon
6. Tatuazh Në Zemër
7. Le Te Shkoje
8. Nen Qiellin Magjik Ne Do Kercejme