Pas suksesit të këngëve si ‘Kaçurrelja’, ‘Në tren për Prizren’, këngëtari Besart Halimi po sjell prapë një projekt tjetër duke përpunuar një këngë e cila do të lansohet brenda 2 jave.

Kështu të paktën ka theksuar vetë këngëtari. "Është një përpunim i një kënge, nuk po e zbuloj për cilën këngë bëhet fjalë, le të mbetet befasi. Po besoj brenda dy jave do të dalë. Është kënga e tretë e përpunuar nga unë", ka thënë këngëtari në fillim të bisedës.



E përpunimin e këngës Besarti ia ka besuar orkestruesit , Andin Halimit dhe Florent Boshnjakut, ndërsa për videoklipin ka bashkëpunuar me Asha Graphics.

Përveç këngës qe do të sjellë Halimi po mendon që shumë shpejt të bëjë edhe një bashkëpunim më këngëtarin e mirënjohur, Ramadan Krasniqi-Dani. "Jam duke shikuar të bëj një duet me Danin, një baladë shumë të mirë dhe besoj që shumë shpejtë do të realizohet. Kemi biseduar me të dhe vetëm po presim të takohemi në studio e të fillojmë", ka thënë tutje Besarti.