>
BIOSHQIP

Blacklion, Këngë Kushtuar Ukshin Hotit

09-07-2014
Me disa vargje që dikur i kishte shkruar profesori dhe politologu i njohur magjistër Ukshin Hoti, që mbetet ende i zhdukur, nisë edhe kënga më e re e Black Lion në bashkëpunim me Andin Randobravën dedikuar Ukshin Hotit. “Edhe nëse ky qe fati ynë unë pajtohem me të, pavarësisht nga çmimi që mund ta paguaj, sepse fëmijët e mijë dhe jo unë vet janë kuptimi i vetes time. Atdheu fiton kuptimin me ta e jo pa ta, pasi që për atdheun mund të luftohet vetëm në emër të njerëzore dhe kurrsesi ndryshe”, kishte shkruar dikur Ukshin Hoti, por që tashmë kanë gjetur vend edhe në këngën e Randobravës, që është publikuar gjatë ditës së sotme. Në tekst po ashtu, vlerësohet lartë figura e Ukshin Hotit, me fjalët si ‘Kalorësi i lirisë shëmbëlltyra e shqiptarisë’. Por nuk ndalet këtu. “Ishe drita e lirisë, udhërrëfyesi i pavarësisë, heroi i kombit trimi i gjallë”, thuhet më tutje në këtë tekst. Më tutje, gjatë tekstit flitet edhe për gjendjen e Kosovës, që sipas tyre është në kolaps dhe i përfshirë nga të kqinjt. Mirëpo, sipas tekstit, nëse Ukshin Hoti do të ishte gjallë, nuk do të ishte kjo gjendje, dhe se shqiptarët do të ishin të bashkuar, ashtu sikurse Ukshin Hoti e kishte paraparë dhe kishte luftuar. “Shqipërinë e pa bërë, bëje të bërë ose vdis”, thuhet më tutje në tekst. Orkestrimi i kësaj këngë është bërë nga vetë Andin Randobrava, me tekst dhe ide të BlackLion.
(Express)

Blacklion, Këngë Kushtuar Ukshin Hotit