Blerina Braka dhe Shpat Kasapi kanë bashkuar forcat për të sjellë një duet të veçantë. Kënga që mban titullin “Zogu ti”, i referohet dashurisë, është e përgatitur nga kompozitori Gramoz Kozeli dhe me tekst të Gerhard Pregapucës.
Është ky bashkëpunimi i parë mes Blerinës dhe Shpatit dhe ideja për këtë duet lindi nga vetë Blerina e cila kishte menduar që vetëm këngëtari nga Maqedonia mund të jetë i përshtatshëm për interpretimin e këtij dueti.

“Është ky bashkëpunimi i parë që kam me Shpat Kasapin. Në fakt këngën ‘Zogu ti’ e dëgjova unë e para dhe ftova Shpatin, duke menduar se me të përshtatesha më mirë. Kënga ‘Zogu ti’ flet për një marrëdhënie me zënka dhe dashuri”.

“Është një këngë verore që do t’iu përshtatet të gjithëve. Ka rreth dy muaj që po punojmë për këtë projekt dhe kam përshtypjen se gjërat e mira vijnë ndonjëherë pa u sforcuar fare. Dhe jam e sigurt që kjo këngë do të jetë një hit, sepse kemi punuar në mënyrë cilësore”, ka thënë ajo për Zëri, duke shtuat se kënga do të lansohet së bashku me videoklip.