A B C D E F G H I J K L M N O P Q R S T U V W X Y Z #

Lulebora

Bora shkrihet,prockat rrjedhin lumë,
Toka e shkrifët,avulli ngjitet lartë,
Natyra ndryshon,dita zgjatet shumë,
Lulebora e para me petkun e bardhë.

Pranë saj edhe vjollcat e njoma,
Gëzojnë sëbashku me beharin e thanës,
Bari i brishtë pranë luleborës gjelbëron,
Zogjtë si në kor,të lumtur ia thonë këngës.

Ndryshon natyra,gëzohen të gjithë,
Insektet nga vrimat jashtë kanë dalë,
Vallen e pranverës me ëndje e kanë nisë,
Ngrohen në diellin që i pëkëdhel ngadalë.

Kësaj bukurie dhe luleve me ngjyrë,
I gëzohen fëmijët për ditën e verës,
Kur dalin sëbashku të mblidhen në natyrë,
Luleborë,vjollca,kukurek,degë të thanës.

Me to do zbukurojnë dyert e shtëpisë,
Me lulet e vezët do lajnë fytyrën,
Shëndet do të kërkojnë në ditët që do vijnë,
Lulebora dhe vjollcat do t'ju plotësojnë dëshirën.

- poezi nga Burhan Skikuli


- Poezia u dërgua nga arsimdiber -

Zgjidhni me sa yje do votoni

Mesatarja:  5 / Votuan:  5





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019