DJ Blunt dhe Real 1 lansuan sot klipin e këngës “Veç me të pas ty”, një tjetër bashkëpunim me yllin, Dafina Zeqirin. Videoklipi është realizuar nga “Max Production”.



“Jam vazhdimisht duke punuar në muzikë dhe profesionin tim. Përndryshe, të enjten (sot) del kënga e re e cila titullohet ‘Veç me të pas ty’. Është një këngë tjetër të cilën e kemi në bashkëpunim me Dafina Zeqirin. Është këngë nga albumi im i fundit ‘Blunt për President’”, ka thënë Blunt.

“Këngës ia kemi bashkangjitur klipin. Për videoklip kemi punuar me ‘Max Produksion’. Ka dal një projekt shumë interesant. Shpresoj që do të pëlqehet edhe nga publiku”, ka shtuar reperi.



Disa ditë më parë Duffy'e kishte publikuar një foto, në rrjetin social Instagram, të shkëputur nga produksioni i ri muzikor duke u shprehur se “shkolla e vjetër është kthyer”.

Ky nuk është bashkëpunimi i parë i Zeqirit me reperin Dj Blunt duke rikujtuar këngën “Mos e nal”.