Rruget e qytetit jane krejt te zbrazur,
ajri i ftoht me mbeshtjell perqark,
dielli shkelqimin, se ka te perflakur,
dhe zogjte si te mekur fluturojne lart.

Nje cast, vegimi me sjell qytetin tim,
gjalleruar nga jeta me zerat e femijve,
diellin e ngroht qe me fal dashurin,
pyllin e fresket me arome pishe.

Nje anije ne breg qe pret lundrimin,
mallin ngarkuar, percjell ne dy brigje,
rera qe freskohet nga vala mengjezit,
mbremjes nen neon, romanzat rinisin.

Kurora e thurur nga pema e paqes,
mbi koke stolisur si nje mbreteresh,
qyteti ime sa large je dhe afer,
sa mall kam, sot bregun tend te prek.