Në diellin e veres shikimin kam tretur,
Dhe shpirtin kam ngulur dëshirë aty,
Më kaplon valëprushi mbi trup hedhur,
Më zhurit malli, që të të kam pranë ty.

Mes valës së detit lundroj parreshtur,
Trishtimin në pritje e prek loti mbytës,
Ndjehem notuese përjetësisht e etur,
Në vështrimin e butë të syve mallpritës.

Mes dallgëve të pashuara të pres, eja...
Dashurinë të largojmë nga blic - rrufeja.