Më mbaj mend (për 1 muaj)


Ervin Bushati: Karriera Ime Pas Shkrirjes Së Grupit “Mister”


Zgjidhni me sa yje do votoni

Mesatarja:  5 / Votuan:  1
[20-04-2013]
Eshte ngjitur ne skene qe ne moshe te vogel. Ka studiuar per Kanto ne Lice dhe ka marre pjese ne Festivalet e RTSHse qe ne moshen 17-vjecare. Qe atehere nuk eshte ndalur kurre. Ervin Bushati ne adoleshence dhe nje pjese te mire te rinise se tij eshte identifikuar si lideri i grupit MISTER, kenget e te cileve u bene dhe vazhdojne te mbesin hite per cdo brez. “Kam nostalgji per ate kohe, kam nostalgji, sepse grupi MISTER ka lene gjurme ne muziken shqiptare te pas viteve ’90-te. Ishte nje shkolle e mire per mua. Te gjitha kenget e grupit tone ishin hite asokohe dhe mendoj se shume prej tyre vazhdojne te mbesin te tilla”, tregon Bushati me mall te shkuaren e tij artistike dhe te grupit MISTER”. Sot ai ka nje karriere te admirueshme si kengetar solitistik dhe bashkepunimet qe ka realizuar me emrat e njohur te skenes shqiptare gjithashtu kane rezultuar mjaft te suksesshme. Lidhur me kujtimet profesionale, ne nje interviste te sinqerte, kengetari shkodran zbulon edhe axhenden e tij ne vazhdimesi, projektet e radhes, duetin me kengetarin italian, si dhe mjaft detaje nga jeta e tij private.

Cilet jane angazhimet profesionale te momentit Ervin?

Per momentin vetem me interpretime “live” ne Pub-et e Tiranes, ne rrethe e Diaspore, por shume shpejt kam ndermend te lancoj nje videoklip veror.

Nje album me kenge te zgjedhura, ky ka qene premtimi i bere nga ty pak kohe me pare per publikun. Tani qe eshte lancuar mund te na thuash si ka qene ecuria e tij dhe ciles rryme i perkasin kenget?

Albumi i titulluar “Vec per ty” ka disa muaj qe ka dale ne treg dhe tani po merrem me lancimin e kengeve te tij neper media vizive ku ftohem te jem pjese e paneleve te ndryshme. Deri tani ka ecur shume mire dhe jam realisht i kenaqur per menyren sesi eshte pritur. Albumi permban kenge te rrymes “house”, komerciale, balada, kenge popullore te moderuara, si dhe pop-rock.

Gjithashtu keni lajmeruar nje bashkepunim me kengetarin italian, B Angel. Deri ku keni shkuar me kete bashkepunim?

Kenga qe do te realizojme bashke i perket rrymes “house” dhe ideja e bashkepunimit tone ka qene e menaxherit te tij, i cili eshte shqiptar. Ai me ka sjelle disa variante dhe besoj qe kete projekt do e konkretizojme ne vere, pasi prej disa kohesh kam qene shume i angazhuar me koncerte dhe nuk kam pasur kohen e mjaftueshme per ta perfunduar. Kenga do te jete verore, pra e pershtatshme per stinen e nxehte.

Do te vije ne gjuhen shqipe, apo ne italisht kjo kenge?

Do jete ne dy gjuhe, italisht dhe shqip.

A jane te frytshme bashkepunimet Ervin? Cila eshte e vecanta e bashkepunimeve te tua nder vite?

Ne fakt po te godasesh sic duhet, bashkepunimet jane me te suksesshme. Mua me kane ftuar shume ne bashkepunime dhe me kane rezultuar te suksesshme, duke filluar me Irini Qirjakon, Bujar Qamilin, Anjeza Branken, Sabina Danen…

Dhe cilin vleresoni si me te suksesshmin?

S’e di! Secili ka te vecanten e tij dhe mendoj se me e rendesishme eshte qe te ngelen ne mendjen e publikut.

Jeni nje nder kengetaret me te kerkuar te muzikes shqiptare. Cfare e ben nje kengetar te suksesshem sipas jush?

Faleminderit per vleresimin. S’e di nese ka receta ne kete drejtim, por qe te jesh i suksesshem pike se pari duhet te pish uje Shkodre e te rritesh e te kultivohesh qe ne femijeri. Sic me ka ndodhur mua. E gjithe kjo besoj se te pjek artistik isht.

Nuk mund te harrohen disa prej hiteve te tua, me sakte te grupit Mister pas viteve ’90-te. Kujtojme ketu “Kulti im, familja ime”, “Krimi nuk jam une”, “Vlera e X-it”, etj.. Ndjeni nostalgji per ate kohe dhe artin qe behej atehere Ervin?

Sigurisht kam nostalgji, sepse grupi MISTER ka lene gjurme ne muziken shqiptare te pas ’90-es. Ishte nje shkolle e mire per mua. Te gjitha kenget ishin hite asokohe dhe mendoj se vazhdojne te mbesin te tilla. Pas shkrirjes se grupit MISTER nxora albumin tim te pare solistik dhe m’u kerkua nje rryme e tille, qe sapo kishte hyre ne mode. Por une nuk kam bere vetem muzike komerciale, kam interpretuar e kam bashkepunuar me kompozitore e poete profesioniste, por kenget duke mos pasur mundesine qe t’u beheshin te gjithave klipe, disa ngelen pa u lancuar sic duhej.

Sot duket se keni ndryshuar frekuence dhe shfaqeni me komercial. Pse?

(Qesh). Mendoj se jam akoma i vecante.

Cfare mendoni se ju bente te vecante ne treg asokohe?

Kishim identitetin tone si grup. Qe nga emri e deri tek rryma qe perfaqesonim e deri tek tekstet e tematikat qe ato percillnin.

Po sot, cfare e ben te vecante Ervinin si kengetar?

E kam shume te veshtire te flas per veten. Besoj se zeri, menyra sesi i kendoj kenget ne natyren time. Mbase edhe look-u.

Koncertet jane nje tjeter angazhim. Ku performoni me shume, brenda Shqiperise, apo ne diaspore? Na rrefe atmosferen qe krijohet jashte, ndryshe nga ketu ne Shqiperi?

Ftesat jane jo vetem ne Shqiperi, por edhe ne diaspore e deri ne Amerike. Absolutisht qe secili vend ka publikun e tij special. Realisht kam kaluar mire kudo qe kam qene i ftuar, por kur i shikon emigrantet qe kendojne me ty dhe qe i njohin hitet qe ti interpreton mallengjehesh dhe here-here te rrjedhin lot.

Ervini baba, si nis nje dite pushimi me familjen tende?

Kam shume pak kohe per pushim fatkeqesisht, por mundohem t’i jap goxha prioritet familjes. Duhet patjeter qe te gjejme vendet e pershtatshme per femijet, ne menyre qe te kene kend lojrash per femijet, ose preferoj te dal shpesh jashte Tirane. Tani me keto ditet me diell, kalohet edhe me mire.

Fundjavat ku preferoni t’i kaloni pergjithesisht?

Fundjavat, ne shumicen e rasteve jashte Tirane dhe gjithmone me familjen.

Raporti me bashkeshorten?

I konsoliduar, i respektueshem, ne harmoni.

Sa vite keni bashke dhe si ka evoluar marredhenia juaj nder vite?

Jemi njohur te rinj. Kemi 15 vite bashke dhe mund te them qe cdo vit qe kalon familjen dhe lidhjen e ben me te konsoliduar dashuria, komunikimi dhe respekti per njeri-tjetrin.

Lidhja me femijet?

Anteo dhe Bjorn na e kane bere jeten akoma edhe me te bukur. Ata jane drita e syve, gezimi me i madh i yni si prinder.

Cfare eshte dashuria per nje artist si Ervini?

Nuk mund te perkufizohet me nje fraze te vetme dhe jo cdokush e has ne jete. Per mua eshte gjithcka. Ndjenja me e bukur, te cilen e ujit dhe i jep jete cdo dite e me teper.

Pika jote me e forte ne karakter?

Kembengules per t’i shkuar gjerave deri ne fund.

Me e dobeta?

Nese quhet e tille… sinqeriteti, apo qe di te fal.

Jeni tolerant si natyre?

Po. Ka raste qe jam, por ka dhe momente qe dua te me ece vetem e imja.

Projektet profesionale ne vazhdim Ervin?

Na pret nje vere e nxehte me koncerte dhe videoklipe te reja.
 (Albina Gjergji)



Komente mbi këtë artikull


* Të regjistruarit mund të votojnë ose të sinjalizojnë komentet