A B C D E F G H I J K L M N O P Q R S T U V W X Y Z #
23/12/2010 - 25/12/2010
Pallati i Kongreseve, TIRANE
Attendees: Jonida Maliqi, Josif Gjipali & Mirela Naska
TVSH / Radio Tirana

Festivali i 49-të i Këngës në RTSH u zhvillua në datat 23, 24 dhe 25 dhjetor 2010 në Pallatin e Kongreseve në Tiranë.
Këngëtarja Aurela Gaçe është fituesja e çmimit të parë në edicionit të 49-të të Festivalit të Këngës në RTSH, kënga e së cilës do të përfaqësojë Shqipërinë në festivalin e këngës “Eurovizion”.

Kënga me titull “Kënga ime”, është shkruar nga Sokol Marsi, ndërsa kompozimi dhe orkestrimi është realizuar nga Shpëtim Saraçi.

Gaçe pas tërheqjes së çmimit u shpreh se edhe pse kishte hequr dorë nga festivalet, falënderoi kompozitorin Saraçi që i ofroi këngën dhe i dha këtë mundësi, shkruan ATSH.
Çmimin e dytë të festivalit e mori dueti i Alban Skënderaj dhe Miriam Camit me këngën “Ende ka shpresë” shkruar dhe kompozuar nga vetë ata.

Ndërsa çmimi i tretë i festivalit i shkoi këngëtarit Saimir Braho me këngën “Shtegtar i jetës sime”, tekstin e së cilës e ka shkruar vetë ai, ndërkohë që kënga është kompozuar nga Endri Sina.

Në mbrëmjen e së shtunës, që ishte edhe nata finale e Festivalit të Këngës në RTSH, konkurruan 18 këngë dhe interpretuan këngëtarë si: Françesk Radi me “Kemi dasëm’o”, Dorian Nini me “Mirësevini në Shqipëri”, Marsida Saraçi me “Vetëm s’jemi në botë”, Dorina Garuci “Mirëmbrëma engjëlli im”, Kamela Islamaj me “Jetova për ty”, Selami Kolonja me “Ëndërr Kosovare” etj.

Në natën e parë dhe të dytë të festivalit u prezantuan nga 19 këngë, 3 prej të cilave në çdo natë ishin nga kompeticioni i të rinjve, nga të cilët vetëm dy prej tyre shkuan në natën finale.

Ky edicion i 49-të u drejtuar nga këngëtarja Jonida Maliqi, këngëtari operistik Josif Gjipali dhe aktorja Mirela Naska.
Drejtor artistik i festivali ishte kompozitori Edmond Zhulali, regjisor Bojken Lako, skenografia ishte realizuar nga Bashkim Zahaj pjesë e së cilës ishte edhe Orkestra Simfonike e RTSH-së, e cila shoqëronte këngëtarët që interpretuan live.

STAFI
Drejtor i Festivalit: Petrit Beci
Drejtor artistik: Edmond Zhulali
Regjisor: Bojken Lako
Skenograf: Bashkim Zahaj
Skenari: Iva Tico/Zefina Hasani
Dirigjent: Jetmir Barbullushi/Oleg Arapi/Gridi Kraja
Orkestra Simfonike e RadioTelevizionit
Prezantues: Josif Gjipali/Jonida Maliqi/Mirela Naska

ÇMIMI I PARE
Titulli i këngës: Kenga ime
Muzika: Shpetim Saraci
Teksti: Sokol Marsi
Këndon: Aurela Gace
Orkestruesi: Shpëtim Saraçi

ÇMIMI I DYTE
Titulli i këngës: Ende ka shprese
Muzika: Alban Skenderaj & Miriam Cani
Teksti: Alban Skenderaj & Miriam Cani
Këndon: Alban Skenderaj & Miriam Cani
Orkestruesi: Alban Skenderaj & Miriam Cani

ÇMIMI I TRETE
Titulli i këngës: Shtegetar i jetes time
Muzika: Endri Sina
Teksti: Saimir Braho
Këndon: Saimir Braho
Orkestruesi: Endri Sina


Choose star rating

Rating:  3.7 / Votes cast:  3




Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019