A B C D E F G H I J K L M N O P Q R S T U V W X Y Z #

Mbi Varrin E Drejtësisë

Përmbi varrin tënd, drejtësi
vullnete të lira bien dëshmorë
ka kohë frymën tënde
nuk e ndjen njeri,
as avokatë,gjykatës apo prokurorë.
Gërmat e tua i heshti ligësia,
pluhuri i fletëve të pashfletuara
kaosi foli më shumë se rregullsia,
sa herë ishe pre e duarve të gabuara.
Duar që përgjakin e që s'kanë mëshirë,
fshihen në mantelin e gërmave të tua,
me ashpërsi godasin çdo vullnet të lirë,
trondisin themelet e jetës që unë dua.
E më fort godasin kur për ty luftoj
që të të rikthej nga ai varr i heshtur,
padrejtësitë si dua me shpirt i përçmoj
për të drejtën time,le të jem i etur.
Ke kohë që heshtesh teatrove juridikë,
rrugëve të mëshirës ke lënë fatin tim
edhe kriminelët nuk të kanë më frikë
të shitën,të blenë të vendosën çmim.
Përmbi varrin tënd,drejtësi
dëgjoje dëshpërimin e një të brishti,
ai është heroi që lufton për ty
njeri i thjeshtë,por luftëtar nga shpirti.
Fol!Përse hesht? Tregoje fuqinë..
gjykatave të ndërgjegjes
shpalle sot rikthimin
nga fundi i varrit tënd ligje le të mbinë
në forcën e tyre unë të gjej shpëtimin.

- poezi nga Gjuljana Marku


Zgjidhni me sa yje do votoni

Mesatarja:  4.1 / Votuan:  7







Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2018