Unë jam njëshi numri i parë
fjalën time ta dëgjoni
se nga unë nis punë e mbarë
këtë kurrë mos e harroni

Se pa mua s'ka milion
nuk ka njish e nuk ka dhjetë
numërimi nuk fillon
në gjithë numrat unë jam mbret

Pra dëgjoni fjalën time
gjithë ku jeni e ku s'jeni
dhe mos bëni diskutime
se pa mua zero jeni

Pra dëgjoni fjalën time
gjithë ku jeni e ku s'jeni
dhe mos bëni diskutime
se pa mua zero jeni

Zeroja kur e dëgjoj
i tha njëshit qetë e qetë
nëse unë s'të shoqëroj
ti nuk bëhesh dot as dhjetë

s'bëhesh qindshe as milion
s'bëhesh dot as dysh as tetë
vetëm ti a e kupton
veç për vete ti je mbret

Numri i parë je padyshim
por ta dish o mor i mjerë
se pa numrat në vazhdim
vetëm njëshin ke si vlerë

Numri i parë je padyshim
por ta dish o mor i mjerë
se pa numrat në vazhdim
vetëm njëshin ke si vlerë