>
LETERSISHQIP

Të Të Duash Ty

Të të duash ty në çdo drithërimë peme,
në çdo fëshfërimë palme, në çdo dallgë
që më puth dhe mbi lëkurë lë gjurmë.
Të të duash ty, të mos shqiptosh emër
tjetër, të ndihesh e lehtë si një balonë
në qiell, të duash të qash e të qeshësh,
të duash të tretesh siç bën një mjegull,
të duash të të hysh papritur në ëndërr,
por më shumë, në shpirt dhe në zemër.

Nga libri me poezi “Zëri yt tretet në erë”, 2020.