Zbulesa
Nuk më duhen fjalë të mëdha, lavde,
ngjyra mendimesh, ide të çoroditura
për të vërtetën, kjo s’është e saktë
derisa nuk mbërrijmë te pika e vërtetësisë
po të kishte pushtet e vërteta
nuk do i linte të flasin mashtrimet
me vërtetësi
kështu disi ia bënte me vetën koha,
tek spërkat me kujtesë
copat e kohëve të mia
mendoj për diçka të panjohur
me guxim të tepruar dhe
si kuptime të fjetura
dëshirat valëviten, me dashuri,
rrjedhin krojet e ngjarjeve
përplot me vaki,
për të panjohurat, për të papriturat
zbulim ky, zbulim i ri
kështu pra e sotmja
një variant i ri i ditës vjetër
motet shkojnë e vinë – ecin tutje
një drejtim ka vetëm jeta – vdekjen
dhe rrugëtojmë andej
tanimë vet i kam kapërcyer sa e sa
vdekje
veç se i kam besuar jetës
ëndrrën më të gjatë
nuk i vura syze mendimit
që ta shoh të vërtetën në sy
dhe besova si i marri
se do të më sheh kuptimi,
po s’është e drejtë
të mos i bie në fund
këtij fillimi
të shkuarat me të tashmet
kryqëzojnë të nesërmen
veç bukurisë çdo gjë shkon
rrjedhës së vet
si kjo zbulesë.
Paris, me 25 Janar 2019.
ngjyra mendimesh, ide të çoroditura
për të vërtetën, kjo s’është e saktë
derisa nuk mbërrijmë te pika e vërtetësisë
po të kishte pushtet e vërteta
nuk do i linte të flasin mashtrimet
me vërtetësi
kështu disi ia bënte me vetën koha,
tek spërkat me kujtesë
copat e kohëve të mia
mendoj për diçka të panjohur
me guxim të tepruar dhe
si kuptime të fjetura
dëshirat valëviten, me dashuri,
rrjedhin krojet e ngjarjeve
përplot me vaki,
për të panjohurat, për të papriturat
zbulim ky, zbulim i ri
kështu pra e sotmja
një variant i ri i ditës vjetër
motet shkojnë e vinë – ecin tutje
një drejtim ka vetëm jeta – vdekjen
dhe rrugëtojmë andej
tanimë vet i kam kapërcyer sa e sa
vdekje
veç se i kam besuar jetës
ëndrrën më të gjatë
nuk i vura syze mendimit
që ta shoh të vërtetën në sy
dhe besova si i marri
se do të më sheh kuptimi,
po s’është e drejtë
të mos i bie në fund
këtij fillimi
të shkuarat me të tashmet
kryqëzojnë të nesërmen
veç bukurisë çdo gjë shkon
rrjedhës së vet
si kjo zbulesë.
Paris, me 25 Janar 2019.
Më shumë nga Jeton Kelmendi
- Trokitën Në Hyrje Daljet
- Dua Me U Hidhërua Pak Me Ty
- Fytyrën Time Kërkoj
- Do Të Të Them Diçka
- Nga E Ka Origjinën Dashuria
- Mendja
- Mjafton Që Jam Diku
- Loja E Paluajtur
- U Ula Në Fund Të Vetëvetës
- U Ula Në Fillim Të Vetëvetës
- Portret Liriku Në Lirinë E Tij
- Dilë Prej Vetës, Emigro
- Nuk Dilet Në Një Kohë Tjetër
- Mbaje Veten Në Kohë
- Atdheu Im Ka Një Zakon Të Keq
- Në Shtëpinë E Shpirtit
Komente 0