Të gjejë diku në ndonjë varg
nëpër ndonjë poezi
të shkruar vite më pare
dhe nuk të kërkoj
udhëve të imagjinatës
sado që parafytyrojë ngjarje
të bukura për ty e për mua

nuk më duhen data të caktuara
as përvjetorë ndodhish për ne
për ta kujtuar se
sa të dua
për mua jeta nuk është jetë
nëse s’të dua çdo minutë

e nëse bashkë na u bënë
kaç vjet
çka do të mund t’i shtojmë
kuptimit
për mua as jeta s’është me kuptim
nëse s’të dua serish
prej fillimit
si tash e deri në mbarim

nuk i vura gjuhës shteg
i lash fjalët të dalin
ashtu si ndjenë zemra
prandaj
sido qe të thërras
nuk mjaftohem as më kaç
të nxjerr nga kuptimi i fjalës
dhe të vë kuptim jete
e jetoj me ty.