A vjen për mu’ pranvera?
A zbardhë për mu’ ma dritë?
I: A g’zon kjo zemër mjera?
A po rri kot tuj pritë? :I
A ka për mu’ ma gzime?
A ka për mu’ ma shpresë?
Kur nanës, përkulun dhimjet,
Nuk kam si me u përshnetë.
O vjeshtë, vjeshtë e shëmtu’me
Që m’thave n’ditë ma t’mirë!
Ç’e fike at dritë t’beku’me?
Mu’ lot s’ka kush t’mi prinë.
E lypa kot te shpija.
Nuk lash unë kend pa vetë.
M’ka lodhë, m’ka kputë’ vetmia
Po nana ku do t’jetë?
Nji za mu duk se ndjeva,
Më foli, m’dha qëndresë.
Dhe zemrën n’vend ma pruni
Kur m’tha gjithkush do t’vdesë.


DËRGO