Teksti Origjinal

O sa shumë motër sivjet të prita
m’ka marrë malli me t'thënë mirëdita
krejt m'harruat mua t'mjerën
nuk erdh kush me ma çelë derën
në fillim të k'saj pranëvere
t'prita boll por ti nuk erdhe
me lote stinet kam përcjellë
çyçe vet kam mbet n'Presheve

O po ta shkruj motër kët letër
edhe këngën tonë të vjetër
m'pate thanë te molla e kuqe
kur t’vjen dita t'bahesh nuse
kam me t’ardhë në dasëm motër
me dahire e me lodër
unë po t'pres po ti s'po vjen
unë n’Preshevë e ti n'Prizren

O m'pate thanë se ke me ardhë
me dasmorët n'plisa t’bardhe
kem me knue me hedh valle
kem me ba ni dasëm t’madhe
nuk di motër a ke harrue
se pa ty ma s’muj me knue
ma kanë thye n'dorë çiftelinë
unë n’Preshevë e ti n'Prishtinë

Kur t'vjen dita me u bashkue
një kangë t’re bashke kem me knue
Kosovë zoti ku i thotë
o mos u derthte ma gjak e lote

📋 Teksti i Kartolinës

Seleksiono 1-6 rreshta nga teksti origjinal dhe tërhiqi/ngjiti në hapësirën e mëposhtëme:


Kartolina v3.1 © 2021