Vlla e motër bashkë
Pushkatu’ dhe varë
Në Gjakovë o prej t’pashpirtëve
O bre gjakatarë.
I: O për pa i mbushë njizet vjet
Nana qan për bijt e vet. :I
Ganimetja th’rret:
- Abedin o vlla!
Çou e shihe motrën tande
Afër teje ra!
O t’përqafoj e t’marr erë
Karanfil o në pranverë.
Me ferexhe veshë
Dhe me peçe mblu’
Kur më shihke nana, halla
Në kanop tuj m’vu’.
Oh rrijnë tuj kja, tuj vajtu’
Sikur qyqet pa pushu’.
Nana thrret’ me za:
- O ju bijt e mi!
Ju kam rritë t’pa babë, jetima
Qyshse në vogjli.
Oh sod m’u mshel mu’ kjo shpi
E jam mbet me du’r në gji.