Moj Tetovë o yll i drites
Bijë e lashtë e Iliridës
Zemër bardha jonë bujare
Gjaku i Shqipes dykrenare

I lan sytë me ujë burimi
Që ta sjellë herët Shkumbini
Bukuroshja e kombit tonë
Ty të paçim pergjithmonë

Por si nusja me dukat
Rritesh ti në të bukurin shtat
Nëpër brigjet e Vardarit
Deri nalt te maja e Sharrit

Lashtësinë ta thotë kalaja
Krenarinë zemrat e mëdhaja
Derën tane atdhetare
Pushka e bukur tetovare

N'maje t'Sharrit ke dy sy
Njani i bardhë e tjetri i zi
Kuvendojnë me diell e hanë
Si me u shkri me token nanë-e

Me Kosovën n'rast nevoje
Ni kafshatë e ndan prej goje
Zogjtë e Shqipes për atdhenë
N'prehen tand e kan folenë

Sa shumë djem t'i mur gurbeti
Malli për ty nuk i treti
Rreth e rreth botës u sollën
N'prehnin tand sërish u mblodhën

Se nuk gjetën rehati
Si te nana qe u dha gji
Këtu është sofra e gjithë shqiptarve
Këtu është zemra e tetovarve