Unë gjithmonë u kam ndërmend
Ju që rroni në këtë vend
Edhe pse sot nuk ju shohë
Por se shpirtin ua njohë
Edhe unë si ju jam ndërruar
Jam përflak e jam shkrumbuar
Por jam ba si ju shumë herë
Zjarr e ujë e baltë e erë

Sot unë jam shkëndijë prej qielli
Dua t’ju jap një rreze dielli
Nëpër qiell unë t’fluturojë
Edhe pse në dhe qëndroj
Ejani rreth meje rrini
Flisni qeshni dert mos keni
Njëri tjetrin shumë ta doni
Dhe pa udhën mos punoni

Lërmëni vëllezër të përvëlohem
Se ma s’dua të frikohem
Dua ta djeg këtë trup të shkret
Për lirinë e vërtet
Me zjarr ta djeg mushkërinë
E të tretem për lirinë
Edhe bashkë me gëzime të tija
E të shkoj te perëndia