TEKSTI ORIGJINAL
Më premto mes nesh
Dashnia s’do perëndojë
Premtomë ndër ëndrra
Veç mua do më kërkosh
Për ty gjithë jetën
Si sot do kem nevojë
Ky përqafim
Jo kurrë mos të mbarojë
Eja me mua
Të t’betohem: Ty të dua
Se veten time
Përgjith’ jetën po ta fal
Sa frymë të kem
Si sot, veç ty do të të dua
I lutem Zotit:
Fatin tonë, kurrë mos e ndaj
Në zemrën time
Unë tënden do e mbaj
Në hidhërim a paqe
Asgjë nuk do na ndajë
E kur rrudhat ballit
Dhe thinjat të kenë dalë
Në vallëzim shpirtrat
As koha mos t’i ndalë