Të të them se është e lehtë vetmia të gënjej
Është më e rëndë se plumbi më e zezë se vdekja

Të të them se kalorësit e bardhë dëfrehen në shtëpi publike
Jetojnë nga punë të pista ketë e di edhe ti

Të të them se pritja është e sikletshme kur nuk e di çka pret
Kristofor Kolombo mos më quaj se nuk zbulova një kontinent

Të të them se lumturia është mashtrim optik
vetëm të marrët kënaqen me jetën këtë e di edhe ti

Të të them se dashuria do të trokasë në portën tënde
Të të bëjë të ndihesh grua besomi peshës së fjalës

Se fatin tënd askush nuk e nënshkruan.