Teksti Origjinal

Plot njerëz të famshëm ka nxjerrë kjo botë
Diku të merituar,diku paksa me hatër
U dehën me famën teksa kthenin një gotë
Një gotë sa për katër.

U plakën të famshmit e mend nuk vunë
Nga pija e rëndë në rrugën e gjatë
U kapën me famën e keqas u zunë
U zunë për flokësh si gratë.

U shuan të famshmit siç shuhen qirinjtë
Që të ndezur flakëronin të hipur mbi tortë
Dhe famën u këndonin me fyell barinjtë
Barinjtë që kthenin një gotë.

📋 Teksti i Kartolinës

Seleksiono 1-6 rreshta nga teksti origjinal dhe tërhiqi/ngjiti në hapësirën e mëposhtëme:


Kartolina v3.1 © 2020