TEKSTI ORIGJINAL

Pasaportën shqiptare dua ta kem sigurisht, se në këtë atdhe kam lindur, nën perënditë e Ilirisë jam lerë,
por përse mos ta kem edhe një pasaportë greke për shembull, meqë e kam si atdheun tim shpirtëror, me Olimpin zemërzjarrtë,
edhe një franceze unë e dua që të ruaj atë krenari të fisshme të një kombi që është kaq i lartë në kulturë, mrekullia vetë,
kurse dua që ta kem edhe një pasaportë fiorentine, të këndoj vargje të Dantes, shpirtit fisnik të lirikut italian që ka mahnitur botën me “Komedinë” e tij.

Por nuk dua vetëm pasaporta të perëndimit, edhe të lindjes, unë çuditërisht i dua shumë, se dhe ata janë kombe me vjetërsi dhe lumturisht krenarë,
dua një pasaportë të Algjerisë, Algjerin ta vizitoj dhe Mondovinë, vendlindjen e shkrimtarit tim të preferuar, Kamysë,
po të lashtë janë edhe Maroku, Irani, Iraku dhe Afganistani, Arabia gjithashtu, sot në terr, por dikur ishin me biblioteka nën Babiloni.
E dua në fund një pasaportë siriane, më e bukura, më e dhimbshmja, pasaportën e viktimave të Sirisë, të shoh sesi në letër të dokumentit shtetëror sirian, rreh zemra dhe pulsojnë nerva të drejtësisë dhe të pafajësisë, një mall o Zot!

📋 TEKSTI I KARTOLINËS

Seleksiono 1-6 rreshta nga teksti origjinal dhe tërhiqi/ngjiti në hapësirën e mëposhtëme:

ThenieShqip v5.0 © 2024