TEKSTI ORIGJINAL

Me gryksen e zezë,stolisur
Me germa të vogla rradhë,
Nëna më kish qëndisur,
Emrin,nën jakën e bardhë!

Në bangë të shkollës,me shokë,
U ula,gjoksin mbushur me gaz
Zemra më çukiste si zog,
Mësuesi,kur hyri në klasë!

Abetaren,për herë të parë,
Në duar mora,ta shfletoja
Penën ngjyeja në kallamar,
Me bojë germat shkroja!

Mbi dërrasë te zezë,një ditë
Me shkumës shkruajta atje,
Fjalën nënë,mbushur dritë
Dhe emrin e shtrenjtë,atdhe!

Më kujtohen ato vite,
Dhe zemra më mbushet me mall,
Në shkollë,nëna më përcillte
Tek dera,më puthte në ballë!

Ai mall,s'më ka braktisur
Dhe gjirin,flakë,ma ndez...
Emrin tim,kishe qëndisur
Nënë,mbi gryksen e zezë!

📋 TEKSTI I KARTOLINËS

Seleksiono 1-6 rreshta nga teksti origjinal dhe tërhiqi/ngjiti në hapësirën e mëposhtëme:

ThenieShqip v5.0 © 2024