Teksti Origjinal

Më pëlqen
depërtimi i dritës
mes lisash,
dhe era e barit të njomë
sapo këput prej kose.

Më pëlqejnë
fjalët e matuna mirë
kur dalin lehtë
si bërthama
prej pemëve të pjekuna.

Më pëlqejnë poezitë
gegnisht të shkrueme,
më pëlqen
era e bukës së mrume.

Më pëlqen
çdo gja që evulon,
më pëlqejnë
vrapimet e gjata maratonë.

Më pëlqen
të kem një vend të qetë
lumit përbri
të shoh si shkumojnë ditët
në rrjedhën e tij.

I thellë asht pusi i
dëshirave të mia!
Por diçka e Shën Tomës
fshihet në mue,
jo veç n’ puthjen e Judës
m’ ban me dyshue.

📋 Teksti i Kartolinës

Seleksiono 1-6 rreshta nga teksti origjinal dhe tërhiqi/ngjiti në hapësirën e mëposhtëme:


Kartolina v2.9 © 2019