Kelly,këngëtari i njohur nga Tirana na rrëfen në këtë intervistë për planet e tij të reja, karrierën muzikore dhe jetën e tij private. Së fundmi ai është duke punuar me disa këngë të reja të cilat pritet ti lançojë së shpejti në treg. Per me shume ndjekim intervistën...

Teksteshqip: Kelly na trego pak se kur ka filluar karriera jote si këngëtar?

Kelly: Karieren si këngëtar e kam filluar që në moshë të vogël duke kënduar nëpër festivalet për fëmijë që organizoheshin në atë kohe..në moshën 10 vjeçare më saktë.



Teksteshqip: Ju jeni afirmuar si këngëtar falë pjesmarrjeve në festivale. Na flisni pak më shumë rreth pjesmarrjeve tua nëpër festivalet shqiptare?

Kelly: Festivalet për mua kanë qenë një trampolinë e duhur për në botën e artit..disa kanë qenë frytdhënëse dhe të suksesshme. Psh në Top Fest ka qenë dalja e parë ..më saktë në Top Fest 5 bashkë me grupin Upstream me këngën "Nuk di " që u bë hit në ato kohë dhe akoma mbetet e pëlqyer për publikun edhe sot..mund të them gjithashtu që pjesjamrrja në "Kënga Magjike" mbetet një nga eksperiencat më të bukura, bashkpunimi me Silva Gunbardhin me këngën "Pyet zemrën", i dha një hov tjetër karierës, sigusrisht më serioze.

Teksteshqip: Pjesmarrja juaj e fundit në një festival ishte në "Festivali e Radio Televisionit Shqiptar 51".Na trego pak si kalove atje?

Kelly: Festivali i Rtsh është një nga festivalet që ka seriozitet maksimal, angazhimi si nga ana e këngëtarit por dhe e komponentëve të tjerë të këngës." Ylli im polar ", ishte kënga me të cilën unë konkurova vjet, një kopozim i Vedat Ademit, mikut tim ku gjej rastin ta përshëndes, okestruar nga Enderit Shani, dhe teksti i shkruar nga unë, pati vlerësime shumë të mira si nga juria dhe publiku , gjë që na çoi dhe në natën finale. Ishte me të vërtetë një eksperiencë shumë e bukur.

Teksteshqip: Kelly ju jetoni në Tiranë.Me Çfarë merreni tjetër përveç muzikës?

Kelly: Po,unë jetoj në Tiranë, përveç muzikës nuk merrem me asgjë tjetër pasi atë e kam profesion.Ka mbi 4 vjet që unë kam studion time të produksionit, "Kelly Sound Prodictions" ku prodhoj këngë.

Teksteshqip: Sa është i angazhuar Kelly gjatë verës nëpër koncerte?

Kelly: Vera gjithmonë është shumë impenjative për mua. Me thënë të drejtën ky është sezoni i katërt që këndoj bregdetit nëpër clube, dhe pak a shumë na është bërë si një gjë fikse.



Teksteshqip: Po pushimet verore ke vendosur ku do ti kalosh?

Kelly: Unë pushimet i bëj në fund të verës. Shtatorin e kam muajin e preferuar pasi jam me i lirë përshkak të angazhime gjatë verës që për hirë të së vërtetës më merr goxha kohë.

Teksteshqip: Kelly momentalisht jeni duke punuar në studio.Çfarë po pregaditë Kelly? Ndonjë këngë të re apo ndonjë videoklip?

Kelly: Aktualisht jam duke përgatitur 3 këngë të reja , bashkë me video ku besoj se në shtator dalin në treg. Dy këngë janë solo dhe një këngë është bashkepunim me një këngëtar shumë të dashur për publikun shqiptar.

Teksteshqip: Ke vendosur të garosh në ndonjë festival këtë vit?

Kelly: Është akoma herët por gjasat janë për po, jam duke e menduar seriozisht pjesmarrjen në "Kënga Magjike" këtë vit, por kësaj rradhe shumë më ndrryshe...

Teksteshqip: Kelly ne të falenderojmë qe gjete kohë të ndash me fansat dhe teksteshqip për projektet e tua dhe të rejat më të fundit.Për fund dëshiron të shtosh diçka,çfarë do tu thuash fansave edhe publikut?

Kelly: Jeni më të mirët, kalofshi një verë sa më të bukur...