17/11/2011 - 19/11/2011
Pallati i Kongreseve, TIRANE
Prezantuesit:
Ardit Gjebrea & Songül Öden
TV Klan / Radio Klan
Festivali “Kënga Magjike 2011” u mbajt në datat 17, 18 dhe 19 Nëntor në Pallatin e Kongreseve. Artistët pjesëmarrës kaluan në netët gjysmëfinale pas 9 javësh konkurim në fazën e parë të festivalit, ku morën pjesë 54 artistë. Këtë vit, festivali “Kënga Magjike” shënoi edicionin e tij të XIII, në të cilin përveç emrave të njohur e të afirmuar të muzikës mbarëshqiptare nuk munguan artistët e rinj protagonistë, të cilët kanë mundësinë të tregojnë talentin e tyre në këtë festival. Rrymat dhe performancat muzikore kanë qenë të larmishme, ashtu si edhe pjesëmarrja e artistëve. E ftuar speciale e këtij edicioni dhe bashkëprezantuese e shoë- man-it Ardit Gjebrea, natën e tretë të festivalit, ka qenë aktorja e njohur turke Songül Öden. Votat e artistëve pjesëmarrës kanë shpallur fitues të festivalit “Kënga Magjike 2011”, kantautorin Redon Makashi.
Jon Music & TVKLAN
Edicioni i 13-te
Datat: 17-18-19 Nentor 2011
LIVE nga Pallati i Kongreseve, ora: 20:00
Nen prezantimin e Ardit Gjebrea & Songul Oden
56 kenge konkurruese ne edicionit te 13-te te festivalit "Kenga Magjike", ndersa 44 prej tyre u perzgjodhen per gjysmefinalet e festivalit.
Gjysmefinalistet e nates se pare:
1. Alberije Hadergjonaj
2. Aurela Amzai
3. Barbana
4. Blerina Matraku
5. Bon Bon Band
6. Cyber Band
7. Denisa Gjezo
8. Devis Xherahu
9. Era Rusi
10. Ermal Mamaqi
11. Ester Hoxha
12. Ilir Kazaferi
13. Kejsi Tola
14. Klevis Saliaj
15. Kujtim Prodani
16. Leonora Jakupi
17. Leotrim Gashi
18. Lynex
19. Malda Susuri
20. Noizy
21. Olta Boka
22. Pirro Cako & Vedat Ademi
23. Rrezarta Shkurta
24. Visari & Ronela Hajati
Gjysmefinalistet e nates se dyte:
1. Adelina Tahiri
2. Agim Poshka & Alex
3. Beatrix Ramosaj
4. Besa Kokedhima
5. Big Basta Angelo
6. Dr. Flori
7. Elia
8. Elita Reci
9. Eranda Libohova & Aldo
10. Erik & Band
11. Erion Beci
12. Graciela Pasha
13. Greta Koci
14. Grifshat
15. Jonida Maliqi
16. Julian Lekocaj
17. Mira Janji & Kastro Zizo
18. Laura Nezha
19. Mili
20. Miranda Hashani & Visar Rexhepi
21. Redon Makashi
22. Rosela Gjylbegu
23 Rozana Radi & MC Kresha
24. Seldi
Çmimet e Nates FINALE:
1. KONTRIBUT NE FESTIVAL - ALBERIE HADERGJONAJ
2. PREZANTIMI SKENIK ME I MIRE - REZARTA SHKURTA
3. BEST BALADE - DEVIS XHERAHU
4. BEST FT. - RONELA HAJATI FT.VISARI
5. ÇMIMI TELEVIZIV - ERA RUSI
6. ÇMIMI DISKOGRAFIK - ROZANA & MC KRESHA
7. MAGJIA E PARE - ADELINA TAHIRI
8. ÇMIMI INTERNET - NOIZY
9. BEST DANCE - ERMAL MAMAQI
10. ÇMIMI ÇESK ZADEJA - JONIDA MALIQI
11. BEST HIP HOP - BIG BASTA & ANGELO
12. ÇMIMI I INTERPRETIMIT - GRETA KOCI
13. KENGA HIT - DR. FLORI
14. ÇMIMI I KRITIKES - BESA
15. BEST LYRICS - ROSELA GJYLBEGU
16. BEST VOKAL - KEJSI TOLA
17. KANTAUTORI ME I MIRE - REDON MAKASHI
18. ÇMIMI JON MUSIC - LEONORA JAKUPI
19. CMIMI AMC - OLTA BOKA
20. ÇMIMI TENDENCE - ERANDA & ALDO
21. KENGA STIL - PIRRO & VEDAT
ÇMIMI I PARE: REDON MAKASHI (GRUPI ARB) – „Me ler te fle“
ÇMIMI I DYTE: PIRRO ÇAKO & VEDAT ADEMI
ÇMIMI I TRETE: BESA
Redon Makashi rrëmben çmimin e parë të festivalit “Kënga Magjike 2011? pas 22 viteve karrierë muzikore. Kënga e tij, “Më lër të fle”, arriti të marrë numrin më të madh të votave.
Në një vlerësim unik, ku të gjithë këngëtarët, në mënyrë të hapur, votuan për njëritjetrin, kënga e Makashit arriti të mblidhte 148 vota më shumë se sa vendi i dytë. Duke kursyer fjalimet e gjata, por duke mos fshehur emocionet, Redon Makashi, gjatë marrjes së trofeut, theksoi se ky çmim ishte vërtet i rëndësishëm dhe një vlerësim i madh për të pas 22 viteve karrierë artistike në skenat shqiptare. Gjatë natës së djeshme finale u ndanë plot 21 çmime të tjera vlerësuese, për kategoritë respektive, ndërsa pas Redon Makashit, çmimi i dytë i festivalit shkoi për bashkëpunimin muzikor mes Pirro Çakos & Vedat Ademit, ndërsa i treti për Besa Kokëdhimën, me hitin “Ti botën ma ndryshove”. Për t’u dhënë fund hamendësimeve apo dyshimeve në lidhje me mënyrën e votimit të këngëtarëve përgjatë gjithë edicioneve të Këngës Magjike, prezantuesi Ardit Gjebrea zgjodhi që këtë herë votimi i konkurrentëve për këngët e preferuara të njëri-tjetrit të bëhej publik e transparent edhe përmes ekranit. Fitorja e Makashit pas 22 vitesh nuk ishte surpriza e vetme e spektaklit të djeshëm. Në të vërtetë, i gjithë show i drejtuar për rreth katër orë me mjeshtëri nga Ardit Gjebrea, ishte i mbushur me surpriza. Mes interesit të përligjur për të mësuar fituesin e çmimit të parë të Edicionit të 13-të të Këngës Magjike, po kaq e ethshme dukej të ishte edhe pritja për protagonisten aq shumë të përfolur të telenovelës “Gymysh”. Aktorja bukuroshe turke, fama e së cilës ka bërë jehonë në shumë prej shtëpive shqiptare, u shfaq përkrah prezantuesit Gjebrea. E prezantuar bashkë me humorin e Agron Llakajt, Songul Oden iu bashkua Ardit Gjebresë dhe deri në fund u bë pjesë e spektaklit, duke prezantuar një pas një të gjithë këngëtarët dhe çmimet. Dhe e gjitha kjo në shqip. Në përpjekjet e saj për të komunikuar herë në gjuhën turke të origjinës e herë në shqip, ajo e përforcoi simpatinë e admiruesve shqiptarë në radhët e spektatorëve të pranishëm në sallë që shpeshherë e ndërprisnin me duartrokitjet e zjarrta. “Jam shumë e lumtur që jam këtu mes jush. U ndjeva si në shtëpinë time dhe ju falënderoj për gjithçka”, u shpreh ajo. Mes spektatorëve të shumtë të pranishëm në Pallatin e Kongreseve ra në sy prania e personaliteteve VIP, mes tyre: Kryeministri Sali Berisha me zonjën e tij, ministri Aldo Bumçi dhe kryetari i Bashkisë së Tiranës, Lulzim Basha me bashkëshortet e tyre. Por, me gjithë protagonizmin e artistëve pjesëmarrës dhe surprizave të mbrëmjes, Redon Makashi ishte surpriza e fundit e natës finale të Këngës Magjike 2011, si fitues i çmimit të parë të këtij evenimenti muzikor.