Zot-o i madh keq mos e ban!
O sa t’jem’ gjallë në kët jet-e, ai.
O fort e dojshin dervishhontë
O Alisë i kanë zonë besë, ai.
O Alia ashtë nji asllan
O si t’len dielli, tek praron, ai.
O, ai që don me e njoftë Alinë
O, mbi ballë i shkuen more Zylfiqar-e, ai.
O, me Dyldyl, o me Zylfiqar-e
O n’fushë t’mejdonit o kur janë dalë ai.
O, n’fushë t’mejdonit o kur janë dalë
O, paska pre o divin Mervon-e, ai.
O, ai burri zemrën s’e trembi
O, kur gjëmojshin o jezidija, ai.
O, hizjetin që e hoq Hyseni
O në dynja se hoq rob njeri, ai!