10 Videoklipet Që Dështuan Me Sukses Gjatë Verës 2018


Zgjidhni me sa yje do votoni

Mesatarja:  5 / Votuan:  5
[28-10-2018]
1 “Gang” - Capital T Feat. Don Phenom & Vinz
Para një viti u publikua një video "Behind The Scenes", ku Don Phenom prezantonte hitin e ardhshëm, bashkëpunimin e Capital T me Don Phenom dhe Vinz. Kënga është pjesë e albumit të Kapos "Winter Is Here" dhe titullohet... "Gang". Po, po, "Gang", pikërisht si slogani i njohur i Feros. Shumë mund të imagjinojnë pse dështoi ky projekt. Capital T u akuzua se po kopjon Feron dhe ai i përgjigjet kështu akuzave në këngën "Yoko Ono" pak muaj më vonë: "Po thojn që pi kopjoj, A un as që i ngoj!"




2 “High 5” - Babastars
Ndoshta Majk e tha me shaka, por të gjithë e besuan dhe hiti “High 5” po pritej me padurim, por... me sa duket ishte vetëm një shaka.

3 “Jug E Veri” - Leonora Jakupi Feat. Sabri Fejzullahu
Me datë 9 Nëntor 2017, u publikua në Youtube një pjesë e këngës “Jug E Veri” nga Leonora dhe Sabriu. U tha se videoklipi do publikohet së shpejti, por të paktën ne Youtube nuk u publikua kurrë.

4 “Nuse” - Gjira
Gjira e tha në Instagram dhe njoftimit i bashkangjiti një video të shkurtër ku dëgjohej kënga e ardhshme "Nuse". Postimi u fshi më pas nga Instagrami dhe për "Nuse... Coming Soon", nuk u fol më.


5 “Tahir Sinani” - Gold AG Feat. Ismet Bexheti
Gold AG shkruajti me entuziazëm në Instagram "Tropojë, e ke rradhën te kënga e re 'Tahir Sinani' ft. Ismet Bexheti". Muajt kaluan, Gold AG publikoi videoklipe të tjera, por radha e Tropojës nuk erdhi...

6 “G. Love Part 2” - Çiljeta & Noizy
Në ditën e gruas, Çiljeta befasoi të gjithë me postimin e saj në Instagram: "Si mendoni? Të bëhemi gati për 'G.Love part 2'? Por jo 10 min... Këtë herë 20 min!". Kanë kaluar më shumë se 7 muaj dhe nuk dihet nëse projekti është akoma në këmbë. Ndoshta për një videoklip kaq të gjatë, duhet të presim edhe pak më gjatë.

7 “Wicked Love” - Bleona
Ishte 28 marsi kur Bleona na përgatiti për një video shumë hot të titulluar "Wicked Love". Ajo tha "coming soon", që do të thotë së shpejti, por më pas vijuan videoklipet e saj "I Don’t Need Your Love" në Qershor dhe "Monster" në Tetor. Bleona, po “Wicked Love”?




8 “Qika” - Baby G
Pas largimit nga labeli "OnRecords", Baby G tentoi të godiste me hite 2 herë gjatë vitit 2017 me këngët "Enough" dhe "Mos U Nal". I treti i vërteti do ishte hiti që do lansohej gjatë verës 2018 me titullin "Qika". Pas disa fotosh dhe disa hashtagesh, hiti "Qika" humbi me vapën dhe iku me Gushtin.




9 “Luft” - Fajt & S4MM
Fajt dhe S4MM thanë "Luft" dhe asgjë tjetër. Të gjithë e kuptuan që ky do ishte bashkëpunimi i radhës. Asgjë s'u tha më dhe asgjë nuk u publikua. Ndoshta po bënin vetëm shaka...

10 “Eshte Ai” - Rozana Radi
Edhe Rozana krijoi lajm me statusin e saj "Është Ai". Ç'donte të thoshte vallë? Ndoshta na paralajmëroi për takimin e përvitshem tek Kenga Magjike? Apo ndoshta në atë moment e kuptoi se cilin person do donte të kishte në krah për gjithë jetën. Koha do e tregojë se çfare “Eshte Ai”.
 (Teksteshqip.Com)